Na mañá do venres, 24 de marzo, despois do recreo, tivemos unha sesión de xogos para celebrar todos xuntos as conmemoracións desta semana: Día da poesía, da árbore, da auga, da chegada da primavera. 

•  Primeiramente, nas aulas, tivemos que elaborar diferentes xogos con materiais de refugallo 
• No pavillón distribuímonos en diferentes estacións con nomes de árbores do noso colexio; cada equipo estaba formado por alumnado dos diferentes ciclos: infantil e primaria. 
• Pasámolo moi ben pois compartimos todos os xogos!!! 

PREME NA IMAXE PARA VER O VÍDEO DA SESIÓN

PROGRAMA DE RADIO NA BIBLIO

O venres, 24 de febreiro, o alumnado de 5º de Primaria realizou un programa de Radio na Biblio con contidos sobre as celebracións do Día da Poesía, da Árbore e da Auga, achegándonos información sobre a importancia destas datas e recitando poemas de creación propia. 

No vídeo podemos seguir o programa realizado por: Ainara, Cristian, Lucía, Mateo, Cristina, Omar, Helena e Alma.

TRABALLOS DO ALUMNADO

O alumnado de 1º de E. Primaria traballaron o nome das árbores e crearon unha manualidade. Con este fermoso vídeo amosan o seu traballo.

 As nenas e nenos de 5º de Primaria crearon poesías coa temática das árbores e da primavera:

DÍA MUNDIAL DA POESÍA 2023

O 21 de marzo é unha data que concita moitas vontades e dá pé a moitas conmemoracións (os bosques, a poesía, a cor, a non discriminación racial...), non deixa de ser a Primavera que o renova todo... Nós decantámonos pola poesía, pois foi a UNESCO quen declarou este 21 de marzo, Día Mundial da Poesía en 1999.